Australia vs Pakistan ODI Series: ऑस्ट्रेलिया दौऱ्यावर असलेल्या पाकिस्तान क्रिकेट संघाने रविवारी इतिहास रचला आहे. पाकिस्तानने रविवारी ऑस्ट्रेलियाविरुद्ध तिसऱ्या वनडे सामन्यात ८ विकेट्सने विजय मिळवला. या विजयासह पाकिस्तानने तीन सामन्यांची वनडे मालिका २-१ अशा फरकाने जिंकली.
त्यामुळे पाकिस्तानने ऑस्ट्रेलियामध्ये वनडे मालिका जिंकण्यात तब्बल २२ वर्षांनी यश मिळवलं. यापूर्वी पाकिस्तानने २००२ साली ऑस्ट्रेलियामध्ये वनडे मालिका जिंकली होती. इतकंच नाही, तर या मालिका विजयासह पाकिस्तानने भारत, इंग्लंड, वेस्ट इंडिज सारख्या बलाढ्य संघांनाही न जमलेला कारनामाही करून दाखवला आहे.
