Pakistan vs Bangladesh, 1st Test: बांगलादेश संघाने रविवारी (२५ ऑगस्ट) पाकिस्तानविरुद्ध कसोटी मालिकेतील पहिला सामना १० विकेट्सने जिंकला. हा बांगलादेशचा पाकिस्तानविरुद्धचा कसोटी क्रिकेटच्या इतिहासातील पहिलाच विजय ठरला.
दरम्यान, या सामन्यादरम्यान पाकिस्तानचा कर्णधार प्रशिक्षकांबरोबर ड्रेसिंग रुममध्ये चिडल्याचे दिसून आले होते.
रावळपिंडीला झालेल्या या सामन्यादरम्यानचा एक व्हिडिओ सध्या व्हायरल होत आहे. या व्हिडिओमध्ये दिसते की पाकिस्तानचा कर्णधार शान मसूद ड्रेसिंग रुममध्ये येत असताना प्रशिक्षक जेसन गिलेस्पी यांच्याबरोबर काहीतरी बोलताना दिसत आहे. यावेळी तो पुढे जाऊन परत थांबून बोलताना दिसतोय. यावेळी तो रागात असल्याचंही लक्षात येत आहे.
