Pakistan vs Banglandesh, 2nd Test: पाकिस्तान विरुद्ध बांगलादेश संघात सध्या कसोटी मालिकेतील दुसरा सामना रावळपिंडी येथे सुरू आहे. या सामन्यात पाकिस्तानची कामगिरी पहिल्या सामन्यापेक्षा चांगली झाल्याचे दिसत आहे. मात्र या सामन्यात पाकिस्तानची ढिसाळ क्षेत्ररक्षण पाहायला मिळाले.
पाकिस्तानच्या ढिसाळ क्षेत्ररक्षणाची चर्चा क्रिकेटवर्तुळात वर्षानुवर्षांपासून होत आहे. अनेकदा त्यांच्या खेळाडूंकडून मोठ्या चुका झाल्याचे दिसते. आता अशीच एक चुक बांगलादेशविरुद्धच्या दुसऱ्या सामन्यातही दिसून आली.
