सबस्क्राईब करा
Pakistan vs Bangladesh, 2nd Test: पाकिस्तान विरुद्ध बांगलादेश संघात दुसरा कसोटी सामना रावळपिंडी येथे सुरू आहे. या सामन्यात दोन्ही संघात रोमांचक लढत पाहायला मिळत आहे. सामन्याचा तिसरा दिवस दोन्ही संघांसाठी चढ-उताराचा राहिला. तरी हा दिवस पाकिस्तानसाठी आधी शाहजाद खुर्रमने गाजवला आणि त्यानंतर लिटन दास आणि मेहदी हसन मिराजने गाजवला.
या सामन्यात तिसऱ्या दिवशी बांगलादेशने पहिल्या डावाच तिसऱ्या षटकापासून आणि १० धावांपासून पुढे खेळायला सुरुवात केली. पण सुरुवातीपासूनच पाकिस्तानच्या खुर्रमने आपल्या गोलंदाजीने बांगलादेशवर वर्चस्व ठेवले होते.
त्याने सुरुवातीला अवघ्या पाच चेंडूत तीन विकेट्स घेतल्या होत्या. त्यामुळे बांगलादेशची अवस्था एका क्षणी २६ धावांवर ६ विकेट्स अशी झाली होती. त्यामुळे पाकिस्तानला सामन्यावर पकड मजबूत करण्याची मोठी संधी होती.
