Prithvi Shaw Sarfaraz Khan base price : १५७४ खेळाडूंपैकी ११६५ भारतीय अन् ४०९ परदेशी खेळाडूंनी इंडियन प्रीमिअर लीग २०२५ च्या मेगा ऑक्शनसाठी नावं नोंदवली आहेत. २४-२५ नोव्हेंबरला सौदी अरेबियाच्या जेद्दाह येथे मेगा ऑक्शन पार पडणार आहे. दोन दिवस चालणाऱ्या या ऑक्शनमध्ये ३२० कॅप्ड, १२२४ अनकॅप्ड आणि २० संलग्न संघटनेच्या खेळाडूंनी नावं नोंदवली आहेत. ४२ वर्षीय जेम्स अँडरसन बऱ्याच वर्षांनी ट्वेंटी-२० क्रिकेट खेळताना दिसणार आहे. त्याने १.२५ कोटी अशी त्याची मूळ किंमत ठरवली आहे. त्याचवेळी मुंबईचे दोन प्रतिभावान खेळाडू पृथ्वी शॉ आणि सर्फराज खान यांनी घेतलेल्या निर्णायाने सर्वांना आश्चर्यचकित केले आहे.