R Ashwin Video: इंडियन प्रीमियर लीग २०२५ स्पर्धेसाठी यंदा मेगा ऑक्शन होणार आहे. २४ आणि २५ नोव्हेंबर रोजी सौदी अरेबीयाच्या जेद्दाह येथे हे मेगा ऑक्शन होणार आहे. त्यामुळे सध्या चाहत्यांमध्ये उत्सुकता तर आहेच, पण फ्रँचायझींचीही जोरदार तयारी सुरू झाली आहे.
काही दिवसांपूर्वीच फ्रँचायझींनी संघात कायम केलेल्या आणि रिलीज केलेल्या खेळाडूंची नावंही जाहीर केली आहेत. यामध्ये फ्रँचाझींनी अनेक मोठ्या आणि स्टार खेळाडूंनाही रिलीज केले आहे. त्यामुळे हे खेळाडू आता ऑक्शनमध्येही दिसणार आहेत. याच धर्तीवर आर अश्विनने एक मजेशीर व्हिडिओ केला आहे. यात तो स्वत:चाच लिलाव करताना दिसतोय.
