Rachin Ravindra News: भारताविरुद्धच्या कसोटी मालिकेली पहिल्या सामन्यात न्यूझीलंडच्या रचिन रविंद्रने दरमदार शतक झळकावले. बंगळुरूला होत असलेल्या या सामन्यात भारतीय संघ पहिल्या डावात ४६ धावांतच गारद झाला होता. पण त्यानंतर न्यूझीलंडने पहिल्या डावात ४०२ धावा ठोकत ३५६ धावांची आघाडी घेतली.
न्यूझीलंडकडून रचिनने १३४ धावांची दमदार शतकी खेळी केली. त्याने टीम साऊदीसोबत ८ व्या विकेटसाठी १३७ धावांची भागीदारीही केली. रचिनने भारताच्या फिरकीपटूंविरुद्ध चांगले शॉट्स खेळले होते.
त्याने सांगितले की दोन महिन्यांपूर्वी चेन्नई सुपर किंग्जच्या अकादमीमध्ये सराव केला होता, ज्याचा त्याला फायदा झाला. रचिन आयपीएलमध्ये चेन्नई सुपर किंग्ज संघाकडून खेळतो.
