Rahul Dravid Son Samit Stats: भारतीय संघाचा माजी कर्णधार आणि मुख्य प्रशिक्षक राहुल द्रविडचे क्रिकेटमधील योगदान महत्त्वाचे राहिले आहे. आता त्याच्या मुलाला खेळताना पाहाण्याची संधी सर्वांना मिळणार आहे. त्याचा मोठा मुलगा समितची आगामी ऑस्ट्रेलियाविरुद्धच्या १९वर्षांखालील मालिकेसाठी भारतीय संघात निवड झाली आहे.
ऑस्ट्रेलियाविरुद्धच्या वनडे आणि चार दिवसीय सामन्यांसाठीच्या मालिकेसाठी बीसीसीआयने शनिवारी १९ वर्षांखाली भारतीय संघ जाहीर केला. या दोन्ही संघांत समित द्रविडचे नाव आहे.
त्याच्या निवडीमागे अनेकांनी घराणेशाहीचा आणि वशिलेबाजीचाही दावा केलाय. मात्र, समितची आत्तापर्यंतची कामगिरी पाहाता ती चांगली राहिल्याचे दिसून येत आहे. १८ वर्षीय समितने वयोगटातील क्रिकेट गाजवले आहे.