Maharashtra vs Meghalaya: पहिल्या दोन लढतींमध्ये अपेक्षित यश न मिळवता आलेल्या महाराष्ट्राच्या क्रिकेट संघाने रणजी क्रिकेट करंडकातील अ गटातील साखळी फेरीच्या लढतीत मेघालयविरुद्ध चमकदार खेळ केला आहे. पहिल्या डावात ८५ धावांची आघाडी मिळवल्यानंतर महाराष्ट्राच्या संघाने मेघालयची दुसऱ्या डावात आठ बाद १५७ धावा अशी अवस्था केली आहे.
त्यामुळे मेघालयचा संघ आता फक्त ७२ धावांनी पुढे आहे. या लढतीचा उद्या (ता. २९) अखेरचा दिवस असून महाराष्ट्राच्या संघाकडे विजयाची सुवर्णसंधी आहे.
