Mumbai vs Odisha Ranji Trophy 2024-25: मुंबईने ओडिसाविरूद्धचा रणजी ट्रॉफी स्पर्धेतील चौथ्या सामन्यात दणदणीत विजय मिळवला. मुंबईने हा सामना एका डावाने आणि १०३ धावांनी जिंकला. मुंबईने पहिल्या डावात ४ बाद ६०२ धावा केल्या. ज्यामध्ये श्रेयस अय्यरने द्विशतकीय व सिद्धेशने दीडशतकी खेळी केली. मुंबईने ओडिसाचा पहिला डाव २८५ धावांवर, तर दुसरा डाव २१४ धावांवर गुंडाळला. ज्यात मुंबईचा फिरकीपटू शम्स मुलानीने महत्वपुर्ण कामगिरी बजावली. शम्स मुलानीने मुंबईसाठी सामन्यात एकूण ११ विकेट्स घेतले, तर हिमांशु सिंगने ७ विकेट्स घेतले.