fastest Ranji Trophy hundred - रजत पाटीदारने रणजी करंडक स्पर्धेमध्ये हरियानाविरुद्ध झंझावाती शतक झळकावले. मध्य प्रदेशकडून खेळताना रजतने दुसऱ्या डावात १०२ चेंडूत १५९ धावांची खेळी केली. त्याने केवळ षटकार आणि चौकारांच्या जोरावर २० चेंडूंत ९४ धावा केल्या. रजतने त्याच्या खेळीत १३ चौकार आणि ७ षटकार खेचले. रजत पाटीदारने अवघ्या ६८ चेंडूत शतक झळकावले आणि हे रणजी स्पर्धेतील चौथे जलद शतक ठरले आहे. मध्य प्रदेश संघाकडून हे वेगवान शतक ठरले. रजतने आपल्या शतकी खेळीत हरियानाच्या हर्षल पटेल, जयंत यादव आणि युझवेंद्र चहल या प्रमुख गोलंदाजांना झोडून काढले.