Ranji Trophy 2024-25, Mumbai vs Maharashtra: गतविजेते आणि काही दिवसांपूर्वी इराणी करंडकही जिंकणाऱ्या मुंबईची यंदाच्या रणजी मोसमात दुसऱ्याच सामन्यात प्रतिष्ठा पणास लागली आहे. सलामीला बडोद्याविरुद्ध पराभव झाल्यानंतर आजपासून महाराष्ट्राविरुद्ध सामना सुरू होत आहे.
वांद्रे क्रीडा संकुल येथील शरद पवार अकादमीत हा सामना होत आहे. मुंबईचे माजी खेळाडू आणि प्रशिक्षक असलेल्या सुलक्षणी कुलकर्णी यांच्या मार्गदर्शनाखाली महाराष्ट्र संघ तयार होत आहे; परंतु जम्मू- काश्मीर या तुलनेने कमजोर असलेल्या संघाविरुद्ध त्यांना पहिल्या डावात आघाडी घेता आली नव्हती.
