सबस्क्राईब करा
Shreyas Iyer highest score in first class: दुखापतीमुळे टीम इंडिया बाहेर गेलेला श्रेयस अय्यर पुनरागमनासाठी जोरदार प्रयत्न करतोय. रणजी करंडक स्पर्धेत महाराष्ट्र संघाविरुद्ध शतकी खेळी करणाऱ्या अय्यरने ओडिसाविरुद्ध द्विशतक झळकावले. त्याने १०२ च्या सरासरीने धावा करताना आक्रमकता दाखवून दिली आणि सिद्धेश लाड ( Siddhesh Lad ) याच्यासोबत विक्रमी भागीदारी केली. मुंबईच्या BKC ग्राऊंडवर सुरू असलेल्या सामन्यात दुसऱ्या दिवशी मुंबईने ४ बाद ६०२ धावांवर डाव घोषित केला. सिद्धेश डाव ४३७ चेंडूंत १६९ धावांवर नाबाद राहिला, तर सुर्यांश शेडगेने ३६ चेंडूंत ७ चौकार व ६ षटकारांसह ७९ धावांची वादळी खेळी केली.