Ranji Trophy 2024-25: सूर्यांश शेडगे याचे शतक एका धावेने हुकल्यानंतर शम्स मुलानी (७१ धावा), हिमांशू सिंग (५९ धावा) व शार्दुल ठाकूर (६२ धावा) यांनी झळकावलेल्या अर्धशतकी खेळींच्या जोरावर मुंबईच्या क्रिकेट संघाने त्रिपुराविरुद्धच्या रणजी क्रिकेट करंडकातील अ गटातील साखळी फेरीच्या लढतीत पहिल्या डावात ४५० धावा फटकावल्या.
त्रिपुरा संघाने दुसऱ्या दिवसअखेरीस एक बाद ६० धावा केल्या असून आता त्यांचा संघ ३९० धावांनी पिछाडीवर आहे.
मुंबई संघाने रविवारी सहा बाद २४८ या धावसंख्येवरून पुढे खेळायला सुरुवात केली. शम्स मुलानी व हिमांशू सिंग या जोडीने ६१ धावांची भागीदारी करताना मुंबईचा धावफलक ३००च्यावर नेला. मणीशंकर मुरासिंग याने मुलानी याला ७१ धावांवर बाद करीत जोडी तोडली.
