Tripura vs Mumbai: सलामीच्या लढतीत बडोदेकडून अनपेक्षितपणे हार पत्करल्यानंतर गतविजेत्या मुंबईच्या क्रिकेट संघाने पुढील लढतीत महाराष्ट्राला पराभूत करीत झोकात पुनरागमन केले. आता त्रिपुराविरुद्धच्या रणजी क्रिकेट करंडकातील अ गटातील लढतीत मुंबईचा संघ १५५ धावांनी पुढे आहे.
या लढतीचा आज (२९ ऑक्टोबर) अखेरचा दिवस असणार आहे. निकाल लागण्याची शक्यता कमी असली तरी मुंबईचा संघ विजयासाठी प्रयत्न करतो का, हे पाहणे रंजक ठरणार आहे.
मुंबईच्या संघाने पहिल्या डावात ४५० धावा केल्यानंतर त्रिपुरा संघाने दुसऱ्या दिवसअखेरीस एक बाद ६० धावा केल्या होत्या. सलामी फलंदाज जीवनज्योत सिंग याने १८८ चेंडूंचा सामना करताना १५ चौकारांसह ११८ धावांची मौल्यवान खेळी साकारली. श्रीदाम पॉलने ५२ धावांची खेळी करीत जीवनज्योत सिंगला उत्तम साथ दिली.
