Mohammed Shami Ranji Trophy 2024: भारताचा वेगवान गोलंदाज मोहम्मद शमी याने जवळपास वर्षभरानंतर क्रिकेटच्या मैदानावर पुनरागमन केले. २०२३ च्या वन डे वर्ल्ड कप स्पर्धेनंतर मोहम्मद शमी आज रणजी करंडक स्पर्धेत बंगालकडून खेळण्यासाठी मैदानावर उतरला. त्याने मध्य प्रदेश विरुद्धच्या सामन्यात भेदक गोलंदाजी केली आणि १९ षटकांत ५४ धावा देताना ४ विकेट्स घेतल्या. त्याने ४ निर्धाव षटकंही टाकली. त्याच्या या भेदक गोलंदाजीसमोर मध्य प्रदेशचा पहिला डाव १६७ धावांवर गडगडला आणि बांगालने ५४ धावांची आघाडी घेतली.