India Playing XI vs Australia 1st Test: भारताचे माजी मुख्य प्रशिक्षक रवी शास्त्री ( Ravi Shastri) यांनी पहिल्या कसोटीसाठी टीम इंडियाची प्लेइंग इलेव्हन निवडली आहे. पर्थवर २२ नोव्हेंबरपासून ही कसोटी रंगणार आहे आणि यात कर्णधार रोहित शर्माची उपस्थिती अद्याप निश्चित झालेली नाही. अशात जलदगती गोलंदाज जसप्रीत बुमराह संघाचे नेतृत्व करताना दिसेल आणि त्याच्या हाताखाली कोणती प्लेइंग इलेव्हन असेल, याची सर्वांना उत्सुकता आहे. बॉर्डर-गावस्कर ट्रॉफीसाठीच्या मालिकेत भारताला ४-० असा विजय मिळवावा लागणार आहे. त्यांना जागतिक कसोटी अजिंक्यपद स्पर्धेची सलग तिसरी फायनल खेळण्यासाठी हा निकाल गरजेचा आहे.