India vs New Zealand 1st Test: न्यूझीलंड क्रिकेट संघाविरुद्ध बंगळुरुला सुरू असलेल्या कसोटी सामन्यात भारतीय संघाला तिसऱ्या दिवशी रविंद्र जडेजाने पुनरागमन करून दिले. पहिल्या दिवशी पावसाचा अडथळा आलेल्या या सामन्यातील खेळाला दुसऱ्या दिवशी सुरुवात झाली.
परंतु, दुसऱ्या दिवशी भारतीय संघाचा खेळ खराब झाला. भारतीय संघ पहिल्या डावात अवघ्या ४६ धावात सर्वबाद झाला. त्यानंतरही भारताचे क्षेत्ररक्षण फारसे चांगले झाले नव्हते. न्यूझीलंडने ५० षटकात ३ बाद १८० धावा दुसऱ्या दिवस अखेर केल्या होत्या.
मात्र, तिसऱ्या दिवशी सुरुवातीला भारतीय गोलंदाजांनी चांगली कामगिरी केली. त्यातही रविंद्र जडेजाने एक मोठा विक्रमही केला.
