बांगलादेशवर दणदणीत विजय मिळवत भारताने कसोटी क्रिकेटमधील वर्चस्व कायम राखले आहे. येत्या नोव्हेंबरमध्ये भारत ऑस्ट्रेलिया दौऱ्यावर जाणार आहे आणि त्यापूर्वीच ऑस्ट्रेलियन क्रिकेटपटूंनी भारतीय संघाविषयी भाष्य करण्यास सुरुवात केली आहे.
भारतीय क्रिकेट संघाचा ऑस्ट्रेलिया दौरा २२ नोव्हेंबरपासून सुरु होत आहे. त्यापूर्वी बांगलादेशविरुद्धची एक कसोटी आणि न्यूझीलंडविरुद्धची कसोटी मालिका होणार आहे. या सामन्यांमधील भारतीय संघाच्या कामगिरीवर ऑस्ट्रेलियन संघाचे बारीक लक्ष असणार आहे.
बॉर्डर गावसकर करंडक स्पर्धेसाठी तयारी करताना ऑस्ट्रेलियाचा संघ विराट कोहली किंवा रोहित शर्मा यांच्याऐवजी चक्क रिषभ पंतवर जास्त लक्ष केंद्रीत करत आहे. २०२२ मध्ये झालेल्या भीषण अपघातानंतर रिषभ पंत दीर्घकाळ क्रिकेटपासून दूर होता. आंतरराष्ट्रीय पातळीवर त्याने थाटातच पुनरागमन केले.
ऑस्ट्रेलियाचा कर्णधार पॅट कमिन्सने पंतची तुलना ट्रॅव्हिस हेड व मिचेल मार्श यांच्याशी केली. त्याच्या मते, रिषभ पंतच्या धावा रोखून धरणे सर्वाधिक महत्त्वाचे असेल आणि त्यासाठी योजना तयार करण्याची गरज आहे.
ऑस्ट्रेलियात झालेल्या गेल्या दोन मालिकांमध्ये भारताच्या यशामध्ये रिषभ पंतचा मोठा वाटा होता. दोन दौऱ्यांतील सात कसोटींमध्ये त्याने एक शतक व दोन अर्धशतकांसह ६२४ धावा केल्या आहेत.
२०१८-१९ च्या दौऱ्यामध्ये रिषभने भारताकडून दुसऱ्या क्रमांकाच्या सर्वोच्च धावा केल्या होत्या. त्या दौऱ्यात भारताने ऑस्ट्रेलियाविरुद्धची मालिका जिंकत पराक्रम केला होता. त्यानंतर २०२०-२१ मध्येही संघ अडचणीत असताना रिषभने केलेल्या अफलातून फलंदाजीमुळे भारताने गॅबा कसोटीत अविस्मरणीय विजय मिळवला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
