Rishabh Pant Vs Sanju Samson : या महिन्याच्या शेवटी रोहित शर्माच्या नेतृत्वाखालील भारतीय संघ टी 20 वर्ल्डकप खेळण्यासाठी युएसएला रवाना होणार आहे. भारत आपली मोहीम 5 जूनपासून सुरू करणार आहे. भारताचा पहिला सामना हा आयर्लंडविरूद्ध होणार आहे. ऋषभ पंतने अपघातानंतर जवळपास दीड वर्षांनी भारतीय संघात पुनरागमन केलं आहे. ऋषभ पंत सोबतच संजू सॅमसन देखील भारतीय संघात आहे. टीम इंडियासमोर दोन विकेटकिपर्सचा पर्याय उपलब्ध आहे.
दरम्यान, भारतीय संघ प्लेईंग 11 निवडताना कोणाला पहिली पसंती देणार हा मोठा प्रश्न आहे. दोन्ही विकेटकिपर हे आयपीएलमध्ये दमदार कामगिरी करत आहेत. दरम्यान, भारतीय संघ कोणत्या विकेटकिपरला पहिली पसंती देईल याबाबत गौतम गंभीरने आपले मत व्यक्त केले.
गौतम गंभीरने आगामी टी 20 वर्ल्डकपमध्ये भारतीय संघ विकेटकिपर म्हणून ऋषभ पंतला पहिली पसंती देईल असा अंदाज वर्तवला आहे. गंभीरने यासाठी दोन कारणे दिली आहे. गंभीरने आयपीएलमधील पंत आणि सॅमसन हे वेगवेगळ्या परिस्थितीत फलंदाजीला येत असल्याचं सांगितलं.
तो म्हणाला की, 'पतंने आयपीएलमध्ये मधल्या फळीत फलंदाजी केली आहे. संजू वरच्या फळीत फलंदाजी करतो. टॉप ऑर्डरमध्ये भारतीय संघात रोहित शर्मा, यशस्वी जयस्वाल आणि विराट कोहली हे टॉप ऑर्डरमध्ये खेळतात. त्यामुळे मधल्या फळीत पंतसारख्या फलंदाजाची भारतीय संघाला गरज आहे.'
गंभीरने ऋषभ पंत हा डावखुरा फलंदाज असल्याचं अखोरेखित केलं. तो म्हणाला की, ऋषभ पंतमुळे भारतीय संघाच्या मधल्या फळीत वैविध्यता येईल. लेफ्ट - राईट कॉम्बिनेशनबाबत गंभीर म्हणाला की, 'पंत डावखुरा फलंदाज असल्याने संघाच्या मधल्या फळीत वैविध्यता येईल.
गौतम गंभीरनं जरी पंतच्या पारड्यात झुकतं माप टाकलं असलं तरी संघ व्यवस्थापन संजू सॅमसनला देखील प्राधान्य देऊ शकते. गंभीर याबाबत म्हणाला की, 'जर संघ व्यवस्थापन संजूला मॅच फिनिशरच्या भुमिकेत पाहत असेल तर संजू देखील सहाव्या किंवा सातव्या क्रमांकावर फलंदाजी करू शकतो. कोणीही प्लेईंग 11 मध्ये खेळू देत आपल्याला प्रत्येक खेळाडूला समर्थन द्यावं लागेल.'
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.