Duleep Trophy, India A vs India B: भारतात सध्या दुलीप ट्रॉफी ही देशांतर्गत स्पर्धा खेळली जात आहे. या स्पर्धेतील पहिल्या फेरीचे सामने सुरू आहे. या पहिल्या फेरीत इंडिया ए विरुद्ध इंडिया बी संघात सामना सुरू आहे. या सामन्यादरम्यान तिसऱ्या दिवशी म्हणजे शनिवारी रियान परागला राग अनावर झाल्याचे दिसून आले.
झाले असे की या सामन्यात इंडिया एकडून पराग तिसऱ्या क्रमांकावर फलंदाजीला उतरला होता. तो चांगल्या लयीत दिसत होता दुसऱ्या दिवसाचा खेळ संपला, तेव्हा तो २७ धावांवर नाबाद होता. त्यानंतर तिसऱ्या दिवशीही त्याची लय चांगली दिसत होती. मात्र ३९ व्या षटकात तो गोंधळला आणि त्याने सोपी विकेट देऊन टाकली.
