India squad vs SL : कर्णधार निवडीबाबत नवा ट्विस्ट! गौतम गंभीरची विनंती मान्य; श्रीलंका दौऱ्यावर हिटमॅन करणार टीमचे नेतृत्व

India squad for Sri Lanka tour : गौतम गंभीर पहिल्यांदाच मुख्य प्रशिक्षक म्हणून श्रीलंका दौऱ्यावर भारतीय संघासोबत जाणार आहे. राहुल द्रविडचा कार्यकाळ टी-20 वर्ल्ड कप 2024 पर्यंत होता. द्रविडच्या मार्गदर्शनाखाली भारताने नुकतेच टी-20 वर्ल्ड कप जिंकले. श्रीलंका दौऱ्यासाठी रोहित शर्माला विश्रांती देण्यात येणार होती. पण आता एका रिपोर्टनुसार, रोहितला गौतम गंभीरने उपलब्ध राहण्यास सांगितले आहे. कारण चॅम्पियन्स ट्रॉफीपूर्वी भारताला फक्त 3 वनडे खेळायचे आहेत.

क्रिकबझच्या वृत्तानुसार, रोहित शर्माविरुद्धच्या वनडे मालिकेत पुनरागमन करू शकतो. असे सांगण्यात आले की, प्रशिक्षक गौतम गंभीर यांनी वरिष्ठ खेळाडू रोहित शर्माला एकदिवसीय मालिकेसाठी स्वत:ला उपलब्ध करून देण्यास सांगितले होते.

श्रीलंका दौऱ्यानंतर त्याला दीर्घ विश्रांती मिळू शकते. चॅम्पियन्स ट्रॉफीपूर्वी भारताला फक्त 6 एकदिवसीय सामने खेळायचे आहेत, असे यामागचे कारण देण्यात आले होते. या वर्षी श्रीलंकेविरुद्ध तर पुढच्या वर्षी इंग्लंडविरुद्ध जानेवारीच्या आसपास वनडे सामने खेळायचे आहेत.

त्यामुळे आता रोहित शर्मा संघाचे नेतृत्व करतो की नाही हे पाहणे मनोरंजक ठरणार आहे. जर रोहित शर्मा श्रीलंकेविरुद्ध कर्णधार नसेल तर केएल राहुलकडे कर्णधारपद सोपवले जाऊ शकते. कारण विराट कोहली आणि जसप्रीत बुमराह यांना विश्रांती दिली जाणार आहे.

केएल राहुलने अनेक वेळा एकदिवसीय सामन्यांमध्ये भारताचे नेतृत्व केले आहे. आतापर्यंत त्याने 12 एकदिवसीय सामन्यांमध्ये भारताचे नेतृत्व केले आहे. या कालावधीत त्याने 8 सामने जिंकले आहेत. त्याचबरोबर त्यांना 4 सामन्यांत पराभवाचा सामना करावा लागला आहे.

आता जर केएल राहुलला श्रीलंकेविरुद्ध कर्णधारपद दिले तर कामगिरी कशी असेल हे पाहायचे आहे. टीम इंडिया श्रीलंका दौऱ्यावर 3 वनडे खेळणार आहे. पहिला एकदिवसीय सामना 2 ऑगस्टला, दुसरा 4 ऑगस्टला आणि तिसरा एकदिवसीय सामना 7 ऑगस्टला खेळला जाईल.