सबस्क्राईब करा
India Squad for South Africa vs Australia Tour: भारतीय क्रिकेट नियामक मंडळाने (BCCI) आगामी दक्षिण आफ्रिका आणि ऑस्ट्रेलिया दौऱ्यासाठी संघांची घोषणा केली. भारताला ८ नोव्हेंबरपासून दक्षिण आफ्रिका दौऱ्यात ४ सामन्यांची टी२० मालिका खेळायची आहे, तर २२ नोव्हेंबरपासून ऑस्ट्रेलिया दौऱ्यातील ५ सामन्यांची कसोटी मालिका सुरू होणार आहे.
दरम्यान, या दोन्ही मालिकांसाठी भारताचे संघ जाहीर झाले आहेत. ऑस्ट्रेलिया विरुद्ध होणाऱ्या बॉर्डर-गावसकर ट्रॉफी कसोटी मालिकेत अभिमन्यू ईश्वरन, नितीश कुमार रेड्डी, हर्षित राणा अशा नव्या चेहऱ्यांचाही समावेश करण्यात आला आहे.
मात्र, ऋतुराज गायकवाड याला टी२० आणि कसोटी अशा दोन्ही संघात संधी देण्यात आलेली नाही. त्यामुळे सध्या चर्चेला उधाण आले आहे.
ऋतुराज गेल्या काही महिन्यात भारतीय संघातून बाहेर आहे. मात्र, तो सातत्याने देशांतर्गत क्रिकेट आणि भारत अ संघाकडून खेळताना दिसत आहे. अशात त्याला संधी दिली गेल्याने सोशल मीडियावर ऋतुराजसोबत अन्याय झाल्याच्या प्रतिक्रिया उमटत आहेत.
