सबस्क्राईब करा
Shan Masood and Abdullah Shafique Century: इंग्लंडविरूद्धच्या पहिल्या कसोटी सामन्यात फ्लॅट खेळपट्टीवर पाकिस्तानी फलंदाजानी इंग्लंडच्या गोलंदाजांचा धुवा उडवला आहे. पाकिस्तानी सलामीवीर अब्दुल्ला शफीक आणि कर्णधार शान मसूदने पहिल्या डावात शतक झळकावले तर, बाबर आझमच्या पदरी पुन्हा अपयश आले आहे. पाकिस्तानने पहिल्या कसोटीतील पहिल्या दिवसात ४ विकेट्स गमावत ३२८ धावा उभारल्या .
पाकिस्तान इंग्लंडदरम्यानच्या ३ कसोटी सान्यांच्या मालिकेला आजपासून सुरूवात झाली आहे. पाकिस्तानमधील मुल्तान क्रिकेट स्टेडीयवर सुरू असलेल्या पहिल्या सामन्यात पाकिस्तानने नाणेफेक जिंकून प्रथम फलंदाचा निर्णय घेतला. घरच्या मैदानावरील अनुभवामुळे पहिल्या दिवशी इंग्लीश गोलंदाजांना पाकिस्तानी फलंदाजांनी भांबावून सोडले.
तिसऱ्या षटकात गस ॲटकिंन्सनने युवा खेळाडू सईम आयुबला माघारी पाठवून पाकिस्तानला पहिला झटका दिला. परंतु सलामीवीर अब्दुल्ला शफीक आणि कर्णधार शान मसूदने इंग्लंडच्या गोलंदाजांना हैरान करून सोडले. त्यांनी दुसऱ्या विकेटसाठी २५३ धावांची मोठी भागिदारी केली. दोघांनीही डावात शतक झळकावले. पुढे ६०व्या षटकात ॲटकिंन्सनच्या गोलंदाजीवर झेलबाद होत शफीक परतला. शफीकने आपल्या खेळीदरम्यान २ षटकार व १० चौकारांसह १०२ धावा जोडल्या.
लगेचच ६३व्या षटकात जॅक लीचच्या गोलंदाजीवर शान मसूद परतला. मसूदने आक्रमक फलंदाजी करत १७७ चेंडूत १५१ धावा केल्या. या खेळीदरम्यान त्याने १३ चौकार व २ षटकार ठोकले.
बाबर आझमकडून पाकिस्तानला मोठ्या खेळीची अपेक्षा होती. परंतु, बाबर ३० धावांवर खेळत असताना ख्रिस वोक्सच्या गोलंदाजीवर पायचीत झाला आणि त्याने चाहत्याना पुन्हा एकदा निराश केले. सध्या साउद शकील ३० धावांवर नाबाद आहे. तर नसीम शाह नुकताच फलंदाजीसाठी आला आहे. पहिल्या दिवसाअंती पाकिस्तानने ४ विकेट्स गमावत ३२८ धावा धावफलकावर लावल्या आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
