India Tour of Australia: विराट कोहली शांत असेल तर त्याला शांतच राहु द्या, जाणीवपूर्वक त्याच्याशी पंगा घेऊ नका. तुम्ही त्याला डिवचले तर त्याच्याकडून सर्वोत्तम आणि प्रतिहल्ला करणारा खेळ होऊ शकतो, असा स्पष्ट सल्ला ऑस्ट्रेलियाचा माजी सलामीवीर शेन वॉटसनने आपल्या संघातील खेळाडूंना दिला आहे.
शेन वॉटसन विराट कोहलीविरुद्ध अनेक सामन्यांतून खेळलेला आहे, तसेच तो आयपीएलमध्ये बंगळूरमधून खेळताना विराट कोहलीचा सहकारीही राहिलेला आहे, त्यामुळे विराटची मानसिकता तो जवळून ओळखतो, म्हणूनच त्याने येत्या गावसकर-बॉर्डर कसोटी मालिकेसाठी ऑस्ट्रेलियन खेळाडूंना महत्त्वाचा सल्ला दिला आहे.
