Irani cup: आजाराशी झुंज देऊन Shardul Thakur मुंबईच्या गोलंदाजी ताफ्यात परतला

Shardul Thakur: इराणी कप स्पर्धेला १ ऑक्टोबरपासून सुरूवीत झाली. मुंबईविरूद्ध शेष भारत संघादरस्यान पहिला सामना सुरू असून मुंबईने पहिल्या डावात तब्बल ५३७ धावा उभारल्या आहेत. स्पर्धेतील दुसऱ्या दिवशी साथीच्या आजारामुळे दवाखान्यात दाखल झालेला मुंबईचा गोलंदाज शार्दूल ठाकूर पुन्हा मैदानावरती परतला आहे.

थकवा व ताप येत असल्यामुळे शार्दूल ठाकूर ड्रेसिंग रूममध्ये आराम करत होता. परंतु मुंबईचे विकेट्स गेल्यामुळे दिवसभर तापाशी झुंज देत असतानाही शार्दूल द्विशतकाच्या उंबरठ्यावर असलेल्या सर्फराजला खानला साथ देण्यासाठी फलंदाजीसाठी उतरला. परंतु दुसऱ्या दिवसाच्या समाप्तीनंतर शार्दूल ठाकूरला दवाखान्यात दाखल करण्यात आले. शार्दूल आता दवाखान्यातून परतला असून तिसऱ्या दिवशी मैदावर खेळताना पहायला मिळत आहे.

१० व्या क्रमांकावर फलंदाजीसाठी आलेल्या शार्दूलने ५९ चेंडूत ३९ धावा करत मुंबईचे धावफलक ५०० पार घेऊन जाण्यात सर्फराजला खानची साथ दिली. सर्फराज खान आणि शार्दूल ठाकूरच्या जोडीने ८९ चेंडूत ७३ धावांची भागिदारी केली.

परंतु त्यानंतर फलंदाजीसाठी आलेला जुनैद खान सर्फराजला साथ देऊ शकला नाही. त्यामुळे तिसऱ्या दिवसाच्या सुरुवातीला मुंबईचा डाव संपुष्टात आला. मुंबईने या डावात तब्बल ५३७ धावा उभारल्या. ज्यामध्ये सर्फराज खानने २२२ धावा करत सर्वोत्तम योगदान दिले. सर्फराजने या द्विशतकादरम्यान तब्बल २५ चौकार व ४ षटकार लगावले.

मुंबईच्या गडगडलेल्या डावाला कर्णधार अजिंक्य रहाणेने सावरले. परंतु शतकापसून केवळ ३ धावा दूर असताना यश दयालच्या गोलंदाजीवर रहाणे माघारी परतला. श्रेयश अय्यरने (५७) व तनुष कोटीयनने (६४) धावांसह डावात अर्धशतक झळकावले.

सकाळच्या सत्रात मुंबईचा डाव संपल्यानंतर शेष भारताच्या डावाला सुरूवात झाली. सलामीसाठी आलेला कर्णधार ऋतुराज गायकवाड अवघ्या ९ धावा करून परतला. तर दुसरा सलामीवीर अभिमन्यू ईश्वरन एका बाजूने खेळी लावून धरली आहे आणि १३२ धावा करत शतकीय खेळी पूर्ण केली आहे.

हाती आलेल्या शेवटच्या वृत्तानुसार शेष भारत संघाने २३४ धावांवर ४ विकेट्स गमावले आहेत. तर अभिमन्यू ईश्वरन आणि ध्रुव जुरेल यांची जोडी मैदानावर खेळत आहेत.