सबस्क्राईब करा
India vs Sri Lanka 1st T20I : भारत आणि श्रीलंका यांच्यातील टी-20 मालिका सुरू होण्यास अवघे 12 तास उरले आहेत, मात्र त्याआधीच यजमान संघाच्या विकेट एकामागून एक पडत आहेत. खरं तर, गेल्या 72 तासांत श्रीलंका संघांचे 3 खेळाडू दुखापतीमुळे संघाबाहेर गेले आहेत.
24 जुलै रोजी वेगवान गोलंदाज दुष्मंथा चमीरा, दुसऱ्याच दिवशी वेगवान गोलंदाज नुआन तुषाराला सरावाच्या वेळी दुखापत झाली आणि त्यांना संघाबाहेर जावे लागले. आता संघाचा आणखी एक वेगवान गोलंदाज बिनुरा फर्नांडो आजारी असल्यामुळे संघातून बाहेर गेला आहे.
श्रीलंका क्रिकेट बोर्डाने सोशल मीडियावर अधिकृत माहिती दिली आणि सांगितले की, 'बिनुरा फर्नांडो आजारी असल्यामुळे त्याला थेट रुग्णालयात दाखल करण्यात आले आहे. रमेश मेंडिसचा स्टँडबाय खेळाडू म्हणून संघात समावेश करण्यात आला आहे. त्यामुळे भारताविरुद्धच्या टी-20 मालिकेपूर्वी श्रीलंकेच्या संघाला 3 मोठे झटके बसले आहेत.
श्रीलंकेचा संघ - दिनेश चंडीमल, अविष्का फर्नांडो, कुसल मेंडिस (विकेटकीपर), पथुम निसांका, कुसल परेरा, चारिथ असलंका (कर्णधार), वानिंदू हसरंगा, कामिंदू मेंडिस, दासुन शनाका, चामिंडू विक्रमसिंघे, बिनुरा फर्नांडो (रमेश मेंडिस, डसून फर्नांडो, रमेश मेंडिस) मधुशंका, मथिशा पाथीराना, महेश थेक्षाना, दुनिथ वेललागे.
टी-20 मालिकेचे वेळापत्रक
श्रीलंका दौऱ्यावरील टी-20 मालिकेतील पहिला सामना 27 जुलै रोजी पल्लेकेले येथे होणार आहे. दुसरा टी-20 28 जुलै आणि तिसरा 30 जुलै रोजी होणार आहे. यानंतर 2 ऑगस्टपासून 3 सामन्यांची एकदिवसीय मालिकाही होणार आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
