Australia vs Pakistan T20I: पाकिस्तान संघ सध्या ऑस्ट्रेलिया दौऱ्यावर आहे. या दौऱ्यात पाकिस्तानने ऑस्ट्रेलियाला वनडे मालिकेत पराभवाची धूळ चारली होती. मात्र ऑस्ट्रेलियाने टी२० मालिकेत पुनरागमन करत पहिले दोन्ही सामने जिंकले आहेत.
याबरोबरच तीन सामन्यांच्या मालिकेत विजयी आघाडी घेतली आहे. ऑस्ट्रेलिया क्रिकेट संघाने शनिवारी पाकिस्तानला टी२० मालिकेच्या दुसऱ्या सामन्यात १३ धावांनी पराभूत केले आणि तीन सामन्यांची मालिकाही खिशात घातली. हा सामना स्पेन्सर जॉन्सनने गाजवला. त्याने पाकिस्तान फलंदाजांना चांगलाच घाम फोडला होता.
