न्यूयॉर्क : श्रीलंकन क्रिकेट संघाकडून टी-२० विश्‍वकरंडकाच्या वेळापत्रकावर नाराजी व्यक्त करण्यात आली आहे. कर्णधार वनिंदू हसरंगा व फिरकी गोलंदाज माहीश तीक्षणा यांनी श्रीलंकन संघाच्या साखळी फेरीतील लढतींचे वेळापत्रक अन्यायकारक असल्याचे स्पष्ट मत व्यक्त करतानाच दोन लढतींदरम्यान प्रदीर्घ वेळ प्रवास करावा लागत असल्यामुळे एक सराव सामनाही रद्द करावा लागला असल्याची खंतही त्यांच्याकडून सांगण्यात आली आहे.
माहीश तीक्षणा याने वेळापत्रकावर आपले मत व्यक्त करताना म्हटले आहे की, आम्ही साखळी फेरीतील सामने चार भिन्न मैदानात खेळत आहोत. त्यामुळे प्रत्येक सामन्यानंतर आम्हाला किंचीतही विश्रांती मिळणार नाही. लगेचच मैदान सोडावे लागणार आहे. दक्षिण आफ्रिकेविरुद्धच्या लढतीआधी आम्हाला सरावही करता आला नाही, कारण हॉटेल ते सराव मैदान हे एक तास व ४० मिनिटांच्या अंतरावर होते. दक्षिण आफ्रिकेविरुद्धच्या लढतीसाठी आम्हाला पहाटे पाच वाजता उठावे लागले, असेही तो पुढे आवर्जून म्हणाला.
आमच्यावर अन्याय
माहीश तीक्षणा याने इतर संघांच्या तुलनेत श्रीलंकन संघावर अन्याय होत असल्याचे परखड मत व्यक्त केले. तो म्हणाला, मी कोणत्याही संघाचे नाव येथे घेत नाही; पण काही संघ येथे न्यूयॉर्कमध्येच खेळणार आहेत. त्यांना सरावासाठीही तेच मैदान देण्यात आले आहे. त्यांचे हॉटेल मैदानापासून १४ मिनिटांवर आहे. आम्हालाही त्याच हॉटेलमध्ये वास्तव्य द्यायला हवे होते; पण तसे झाले नाही. आमच्या संघावर अन्याय होत आहे.
आयसीसीकडे तक्रार
श्रीलंकन क्रिकेट संघाचे व्यवस्थापक महिंदा हलानगोडा यांनी वेळापत्रकावरून आयसीसीकडे तक्रार केल्याचे वृत्त आहे. मात्र, आता स्पर्धा सुरू झाली आहे. त्यामुळे वेळापत्रकात बदल होण्याचे संकेत नाहीत.
श्रीलंकेच्या साखळी फेरीच्या लढती
३ जून - दक्षिण आफ्रिका, न्यूयॉर्क
८ जून - बांगलादेश, डल्लास
१२ जून - नेपाळ, लॉडरहिल
१७ जून - नेदरलँडस्‌, ग्रॉस आईसलेट
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.