South Africa vs India T20I: भारतीय क्रिकेट संघाने शुक्रवारी दक्षिण आफ्रिकेविरुद्ध टी२० मालिकेत विक्रमी विजयाची नोंद केली. जोहान्सबर्गला भारताने दक्षिण आफ्रिकेविरुद्ध टी२० मालिकेतील चौथा आणि शेवटचा सामना खेळला. या सामन्यात भारताने २८३ धावा केल्यानंतर दक्षिण आफ्रिकेला १४८ धावांत गुंडाळत १३५ धावांनी मोठा विजय मिळवला.
यासह दक्षिण आफ्रिकेविरुद्ध हा टी२० मधील सर्वात मोठा विजय देखील ठरला. तसेच हा भारताचा २०२४ वर्षातील शेवटचा सामना असल्याने अखेरही गोड झाली. जोहान्सबर्गमधील विजयामुळे भारताने चार सामन्यांची टी२० मालिका ३-१ अशा फरकाने जिंकली.
