India lock in playing XI vs Aus 1st Test: भारतीय संघाची 'कसोटी' खऱ्या अर्थाने उद्यापासून सुरू होतेय. न्यूझीलंडविरुद्ध घरच्या मैदानावर लाजीरवाणा पराभव पत्करावा लागल्यानंतर भारतीय संघ गमावलेला सन्मान कमावण्यासाठी ऑस्ट्रेलियात खेळणार आहे. जागतिक कसोटी अजिंक्यपद स्पर्धेची फायनल गाठण्यासाठी भारतीय संघाला बॉर्डर-गावस्कर ट्रॉफीत ४-० असा विजय मिळवावा लागणार आहे. त्यात रोहित शर्मा पहिल्या कसोटीला मुकणार असल्याने जसप्रीत बुमराह ( Jasprit Bumrah) पर्थ कसोटीत नेतृत्व करणार आहे.