South Africa vs India 4th T20I: सूर्यकुमार यादवच्या नेतृत्वात भारतीय संघाने दक्षिण आफ्रिकेलाच त्यांच्याच मायदेशात टी२० मालिकेत पराभवाचा धक्का दिला. जोहान्सबर्गच्या द वाँडरर्स स्टेडियममध्ये शुक्रवारी (१५ नोव्हेंबर) झालेल्या चौथ्या टी२० सामन्यात दक्षिण आफ्रिकेला भारताने १३५ धावांनी पराभूत केले आणि मालिका ३-१ अशा फरकाने जिंकली.
दरम्यान, हा सामना भारतासाठी विक्रमी ठरला. जोहान्सबर्गमधील भारताने टी२०मधील सर्वोच्च धावसंख्या तर नोंदवलीच पण त्याबरोबरच जोहान्सबर्गमधील आंतरराष्ट्रीय टी२०मधील दुसऱ्या क्रमांकाचा सर्वात मोठा विजय मिळवला.
याआधी श्रीलंकेने २००७ मध्ये केनियाविरुद्ध जोहान्सबर्गमध्ये १७२ धावांची विजय मिळवला होता. विशेष म्हणजे शुक्रवारी भारताचा २०२४ वर्षातील शेवटचा सामना होता. या संपूर्ण वर्षात भारताने एकही मालिका पराभूत झालेली नाही.
