Australia vs India Test: ऑस्ट्रेलिया विरुद्ध भारत संघात होणाऱ्या बॉर्डर-गावसकर ट्रॉफी २०२४-२५ या कसोटी मालिकेसाठी चाहत्यांमध्ये उत्साह दिसून येत आहे. दोन्ही देशात या मालिकेबद्दल चर्चा होताना दिसत आहेत. त्यामुळे या मालिकेची उत्सुकता शिगेला पोहचल्याचे लक्षात येत आहे.
ही मालिका शुक्रवारी (२२ नोव्हेंबर) सुरु होणार आहे. त्यामुळे दोन्ही संघांनी मालिकेसाठी तयारी सुरू केली आहे. मात्र याचदरम्यान, भारताचा कर्णधार रोहित शर्माच्या उपस्थितीबाबत अनिश्चितता आहे. तो पर्थमध्ये शुक्रवारी सुरू होणाऱ्या पहिल्या कसोटीत खेळणार नसल्याचे स्पष्ट झाले आहे.
परंतु, तो भारतीय संघात कधी सामील होणार आहे, हे अद्यापही गुलदस्त्यात आहे. तरी रोहित ऍडलेडला होणाऱ्या दुसऱ्या कसोटीआधी भारतीय संघात सामील होईल, अशी चर्चा आहे.
