आयपीएल 2024 मध्ये कोलकाता नाईट रायडर्सला चॅम्पियन बनवण्यात महत्त्वाची भूमिका बजावणाऱ्या खेळाडूने आता एक मोठा निर्णय घेतला आहे. या खेळाडूने टीम इंडियासाठी शेवटचा सामना खेळून 2 वर्षांहून अधिक काळ लोटला आहे.
आयपीएलमध्ये चमकदार कामगिरी करूनही हा खेळाडू संघात पुनरागमन करू शकला नाही. अशा परिस्थितीत या खेळाडूने आता आपल्या करिअरसाठी मोठा निर्णय घेतला आहे. हा खेळाडू लवकरच इंग्लंडमध्ये खेळताना दिसणार आहे.
टीम इंडियाचा स्टार अष्टपैलू खेळाडू व्यंकटेश अय्यरने इंग्लंडमध्ये काउंटी क्रिकेट खेळण्याचा निर्णय घेतला आहे. व्यंकटेश अय्यर या वर्षीचा एकदिवसीय कप आणि दोन काउंटी चॅम्पियनशिप सामने लँकेशायरकडून खेळणार आहे.
लँकेशायरने भारतीय खेळाडूसोबत पाच आठवड्यांसाठी करार केला आहे. वेंकटेश कौंटी क्रिकेटचा भाग होण्याची ही पहिलीच वेळ आहे. वेंकटेशसाठी आयपीएलचे मागील 2 सीझन खूप चांगले गेले. आयपीएल 2024 मध्ये त्याने कोलकाता नाइट रायडर्ससाठी एकूण 370 धावा केल्या.
व्यंकटेश अय्यरला 2021 च्या टी-20 वर्ल्ड कपनंतर टीम इंडियासाठी पदार्पण करण्याची संधी मिळाली. त्यावेळी हार्दिक पांड्या जखमी झाला होता. व्यंकटेश अय्यरने टीम इंडियासाठी आतापर्यंत 2 वनडे आणि 9 टी-20 सामने खेळले आहेत. त्याने वनडेमध्ये 24 आणि टी-20 मध्ये 133 धावा केल्या आहेत. या काळात त्याने 5 विकेट्सही घेतल्या आहेत. वेंकटेश अय्यरने टीम इंडियासाठी शेवटचा सामना फेब्रुवारी 2022 मध्ये श्रीलंकेविरुद्ध खेळला होता. त्यानंतर त्याला टीम इंडियात स्थान मिळालेले नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
