India vs New Zealand 1st Test: भारत विरुद्ध न्यूझीलंड संघात बंगळुरूला सुरू असलेल्या पहिल्या कसोटी सामन्याला रोज वेगवेगळे वळण मिळत आहे. पहिल्या डावात न्यूझीलंडचे वर्चस्व दिसले होते, तर दुसऱ्या डावात आत्तापर्यंत तरी भारतीय संघ वरचढ ठरला आहे.
दरम्यान, चौथ्या दिवशी भारतीय संघाचा दुसरा डाव सुरू असताना मोठा गोंधळ झाल्याचे दिसले. नेमकं काय झालं जाणून घेऊ.
चौथ्या दिवशी भारताकडून दुसऱ्या डावात सर्फराज खान आणि ऋषभ पंत फलंदाजी करत होते. त्यांची भागीदारीही चांगली झाली होती. या भागीदारीदरम्यान सर्फराज खानने पहिले कसोटी शतकही ठोकले. मात्र, सर्फराजचे शतक होण्यापूर्वी त्याची पंतबरोबरची भागीदारी तुटता तुटता थोडक्यात वाचली.
