Australia vs India 1st Test: विराट कोहलीने ऑस्ट्रेलियात पोहचताच त्याच्या बॅटची ताकद सर्वांना दाखवली आहे. ऑस्ट्रेलियाविरुद्ध भारत संघात कसोटी मालिकेतील पहिला सामना पर्थमधील ऑप्टस स्टेडियमवर सुरू आहे. या सामन्यात तिसऱ्या दिवशी भारताकडून दुसऱ्या डावात विराट कोहलीने शतक झळकावत मोठ्या विक्रमांना गवसणी घातली आहे.
या सामन्यात भारताच्या दुसऱ्या डावात यशस्वी जैस्वाल १६१ धावांवर आणि केएल राहुल ७७ धावांवर बाद झाल्यानंतरही विराटने भारताचा डाव गडगडू दिला नाही. त्याची शानदार फलंदाजी पाहायला मिळाली. त्याने १४३ चेंडूत ८ चौकार आणि २ षटकारांसह त्याचे शतक पूर्ण केले.
त्याचे शतक पूर्ण होताच भारताचा कर्णधार जसप्रीत बुमराहने दुसरा डाव घोषित केला. भारताने दुसऱ्या डावात ६ बाद ४८७ धावा केल्या आणि ऑस्ट्रेलियासमोर पहिल्या डावातील ४६ धावांच्या आघाडीसह ५३४ धावांचे लक्ष्य ठेवले.
