India vs Bangladesh Test Series: भारतीय संघाला १९ सप्टेंबरपासून बांगलादेशविरुद्ध दोन सामन्यांची कसोटी मालिका खेळली जाणार आहे. या मालिकेतील पहिला सामना चेन्नईतील एम चिदंबरम स्टेडियमवर होणार आहे.
या सामन्यासाठी सध्या भारतीय संघ चेन्नईमध्ये आहे. अनेक भारतीय खेळाडू गुरुवारीत रात्री चेन्नईला पोहचले आहेत. दरम्यान चेन्नईला पोहचल्यानंतर लगेचच भारतीय खेळाडूंचा सरावही सुरु झाला आहे.
दरम्यान, या सरावादरम्यानचा एक व्हिडिओ जिओ सिनेमाने सोशल मीडियावर शेअर केला आहे. या व्हिडिओमध्ये भारतीय खेळाडूंनी नेट्समध्ये केलेला सरावाची झलक दिसत आहे. याच व्हिडिओमध्ये असेही दिसते की भारताचा स्टार फलंदाज विराट कोहलीही नेट्समध्ये शॉट्स खेळण्याचा सराव करत आहे.
