India vs Australia Test Series: भारतीय क्रिकेट संघ सध्या ऑस्ट्रेलिया दौऱ्यावर आहे. या दौऱ्यात ५ कसोटी सामन्यांची बॉर्डर-गावसकर ट्रॉफी खेळवण्यात येणार आहे. पर्थमध्ये २२ नोव्हेंबरपासून ही मालिका सुरू होत आहे. त्यासाठी भारतीय संघ गेल्या आठवड्यातच ऑस्ट्रेलियामध्ये पोहचला असून सरावालाही सुरुवात केली आहे.
भारतीय संघाने पर्थमध्ये WACA मैदानात सराव केला आहे. तसेच येथे भारतीय खेळाडूंनी भारतीय अ संघासह आपापसात दोन संघ करत सराव सामनाही खेळला आहे. दरम्यान, भारताच्या सरावावेळी एक मेजेशीर घटना घडल्याचे दिसले, ज्याचा व्हिडिओ व्हायरल होत आहे.
