सबस्क्राईब करा
Team India head coach: भारतीय क्रिकेट संघाचे वेळापत्रक आता बरेच व्यस्त आहे. सध्या भारतीय संघ न्यूझीलंड क्रिकेट संघाविरुद्ध कसोटी मालिका खेळत आहे. ही मालिका सुरू असतानाच भारताचा टी२० संघ दक्षिण आफ्रिका दौऱ्यावर जाणार आहे.
भारतीय संघाला दक्षिण आफ्रिका दौऱ्यात ४ टी२० सामन्यांची मालिका खेळायची आहे. या मालिकेसाठी काही दिवसांपूर्वीच भारतीय संघाची घोषणा करण्यात आली आहे. आता या दौऱ्यासाठी प्रभारी प्रशिक्षक म्हणून व्हीव्हीएस लक्ष्मण भारतीय संघासोबत जाणार असल्याचे समजत आहे.
क्रिकबझने दिलेल्या वृत्तानुसार भारतीय कसोटी संघाला २२ नोव्हेंबरपासून ऑस्ट्रेलिया दौऱ्यात पाच सामन्यांची कसोटी मालिका खेळायची आहे. त्यामुळे या मालिकेच्या तयारीसाठी भारताचा नियमित मुख्य प्रशिक्षक गौतम गंभीर भारतीय कसोटी संघासोबत असणार आहे.
