India vs New Zealand, Test: भारतीय संघ सध्या न्यूझीलंड विरुद्ध कसोटी मालिका खेळत आहे. या मालिकेतील पहिला सामना बंगळुरूमध्ये पार पडला. या सामन्यात रविवारी (२० ऑक्टोबर) भारताला पराभूत व्हावं लागलं.
आता भारताला न्यूझीलंडविरुद्ध दुसरा कसोटी सामना पुण्यात, तर तिसरा कसोटी सामना मुंबईमध्ये खेळायचा आहे. या सामन्यांआधी बीसीसीआयच्या निवड समितीने भारतीय संघात बदल केला आहे.
या दोन्ही सामन्यांसाठी अष्टपैलू क्रिकेटपटू वॉशिंग्टन सुंदरला भारतीय संघात सामील करण्यात आले आहे. रविवारी झालेल्या पराभवानंतर बीसीसीआयने हा निर्णय जाहीर केला आहे.
