![ajinkya rahane one day cup 2024](http://media.assettype.com/esakal%2F2024-07%2Fcfbebab0-f50e-445a-b4fa-fde6a11bf409%2Fajinkya%20rahane%20one%20day%20cup%202024.jpg?w=480&auto=format%2Ccompress&fit=max)
Ajinkya Rahane One Day Cup 2024 : भारतीय संघात पुनरागमनासाठी प्रयत्नशील असलेला अजिंक्य रहाणे इंग्लंडमध्ये तुफान फटकेबाजी करताना दिसतोय. त्याच्या झंझावाती खेळीच्या जोरावर Leicestershire संघाने वन डे चषक स्पर्धेतील ब गटाच्या सामन्यात ३६९ धावा केल्या. या लक्ष्याचा पाठलाग करण्यासाठी मैदानावर उतरलेल्या नॉटिंगहॅमशायरला ८९ धावांवर रोखले. रहाणेने लीसेस्टरशायरकडून पदार्पणाच्या सामन्यात ६० चेंडूंत ९ चौकारांसह ७१ धावांची शानदार खेळी केली.
अजिंक्यच्या खेळीच्या जोरावर लीसेस्टरशायरने ५० षटकांत ६ बाद ३६९ धावा केल्या. सॉल बुडिंगरने ७५ आणि कर्णधार लुईस हिलने ८१ धावांची खेळी केली. लीसेस्टरशायरने नॉटिंगहॅमशायर संघासमोर ३७० धावांचे लक्ष्य ठेवले होते, परंतु पावसाचा व्यत्यय आल्याने डकवर्थ लुईसच्या आधारे नॉटिंगहॅमशायरला १४ षटकांत १०५ धावांचे सुधारित लक्ष्य मिळाले. पण, नॉटिंगहॅमशायरला६ बाद ८९ धावाच करता आल्या.
अजिंक्य रहाणे सुमारे वर्षभरापूर्वी भारतीय संघाच्या जर्सीत दिसला होता. गेल्या वर्षी जुलैमध्ये त्याने वेस्ट इंडिजविरुद्ध कसोटी सामना खेळला होता, त्यानंतर तो संघाबाहेर आहे. तो आयपीएल २०२४ मध्ये चेन्नई सुपर किंग्जकडून खेळला होता, परंतु त्याला अपेक्षित कामगिरी करता आली नाही. त्यानंतर तो इंग्लंडमध्ये लीसेस्टरशायरकडून खेळण्यासाठी गेला.
अजिंक्य रहाणे आगामी काळात देशांतर्गत क्रिकेट खेळताना दिसणार आहे.२०१८ मध्ये त्याने भारताकडून शेवटचा वन डे सामना आणि २०१६ मध्ये ट्वेंटी-२० सामना खेळला होता. रहाणेच्या नावावर भारतासाठी ८५ कसोटी सामन्यांमध्ये १२ शतके आणि २६ अर्धशतकांसह एकूण ५०७७ धावा आहेत. ९० वन डे सामन्यांमध्ये त्याने तीन शतके आणि २४ अर्धशतकांसह २९६२ धावा केल्या आहेत. रहाणेने भारतासाठी २० ट्वेंटी-२० सामनेही खेळले, ज्यामध्ये त्याने एका अर्धशतकासह ३७५ धावा केल्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.