West Indies vs Bangladesh 1st Test: मंगळवारी (२६ नोव्हेंबर) वेस्ट इंडिज संघाने अँटिग्वाला झालेल्या कसोटीत बांगलादेशविरुद्ध २०१ धावांनी मोठा विजय मिळवला. सध्या बांगलादेश संघ वेस्ट इंडिज दौऱ्यावर असून कसोटी मालिका खेळत आहे. ही मालिका वर्ल्ड टेस्ट चॅम्पियनशीप २०२३-२५ स्पर्धेचा भाग आहे.
दरम्यान, या सामन्यातील निकालानंतरही या दोन्ही संघांना अंतिम सामन्यात जाण्याची संधी नाही. पण हे दोन्ही संघ पाँइंट्स टेबलमधील तळातील संघांपैकी एक असल्याने शेवटच्या स्थानाची नामुष्की टाळण्याचा प्रयत्न दोन्ही संघांचा आहे. या मालिकेपूर्वी वेस्ट इंडिज ९ व्या म्हणजेच शेवटच्या स्थानावर होते. तर बांगलादेश आठव्या क्रमांकावर होते.
