Virat Kohli on Video Call Smriti Mandhana : रॉयल चॅलेंजर्स बंगळुरु (RCB) संघाने स्मृती मानधना यांच्या नेतृत्वाखाली महिला प्रीमियर लीग 2024 चे विजेतेपद पटकावले. बंगळुरूने विजेतेपदाच्या सामन्यात मेग लॅनिंगच्या नेतृत्वाखाली दिल्ली कॅपिटल्सचा पराभव केला.
आरसीबी चॅम्पियन झाल्यानंतर विराट कोहलीने व्हिडिओ कॉल करून महिला संघाचे अभिनंदन केले. आरसीबी महिला संघाच्या विजयाने विराट कोहली खूपच खूश दिसत होता.
आता स्मृती मंधानाने विजयानंतर विराट कोहलीसोबत व्हिडिओ कॉलवर काय चर्चा झाली याचा खुलासा केला आहे. विराट कोहली गेल्या 16 वर्षांपासून रॉयल चॅलेंजर्स बंगळुरूचा भाग आहे. त्याने आयपीएलमध्ये आरसीबी पुरुष संघासाठी 16 हंगाम खेळले आहेत आणि यावेळी तो 17 व्या हंगामासाठी मैदानात उतरणार आहे.
मात्र, आरसीबीच्या पुरुष संघाने आतापर्यंत एकही विजेतेपद जिंकलेले नाही. अशा परिस्थितीत पहिले जेतेपद जिंकल्यानंतर कोहलीला नक्कीच आनंद झाला असेल.
महिला संघाची कर्णधार स्मृती मानधना हिने व्हिडिओ कॉलवरील संभाषणाबद्दल सांगितले की, आवाजामुळे मला विराट भैया काय बोले हे मला नीट ऐकू आले नाही. गेल्या 16-17 वर्षांपासून विराट कोहली फ्रँचायझीसोबत काम करत आहे. त्यामुळे त्यांच्या चेहऱ्यावरचा आनंद मला पाहायला मिळाला." विराट कोहलीच्या व्हिडिओ कॉलचा व्हिडिओ सोशल मीडियावर व्हायरल झाला आहे.
महिला प्रीमियर लीगच्या दुसऱ्या सत्रात (2024) दिल्ली कॅपिटल्सचा सलग दुसऱ्यादा अंतिम फेरीत पराभव झाला आहे. या स्पर्धेच्या पहिल्या सत्रात दिल्लीनेही अंतिम फेरी गाठली होती, मात्र त्यांना मुंबई इंडियन्सकडून पराभव स्वीकारावा लागला होता. यावेळी आता अंतिम फेरीत आरसीबीकडून पराभव झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
