Shubman Gill: शुभमन गिलने Duleep Trophy त आपला जर्सी क्रमांक का लपवला?

Duleep Trophy: आजपासून सुरू झालेल्या दुलीप ट्रॉफीमध्ये भारत-ब विरुद्धच्या सामन्यात शुभमन गिल भारत-अ संघाचे नेतृत्व करत आहे.पहिल्या दिवसाच्या समाप्तीनंतर भारत-ब संघाने ७ बाद २०२ अशी धावसंख्या उभारली आहे.

पहिल्या डावात भारत-ब संघाची ९७ धावांवर ७ विकेट्स अशी परिस्थिती असताना मुंबईच्या मुशीर खानने २२७ चेंडुंमध्ये १०५ धावांची नाबाद खेळी करत भारत-ब संघाची बाजू सावरली आहे. या खेळीदरम्यान त्याने १० चौकारंसह २ षटकार ठोकले आहेत.मुशीर खानला सध्या नवदीप सैनीची साथ मिळत असून सैनी ७४ चेंडुंमध्ये २९ धावांवर खेळत आहे.त्यामुळे उद्या या दोघांची जोडी भारत-ब संघासाठी किती धावसंख्या उभारते हे पाहणे महत्वाचे ठरणार आहे.

सलामीवीर यशस्वी जैसवालने ५९ चेंडुंमध्ये ३० धावांची खेळी केली. तर कर्णधार अभिमन्यू इस्वरनला फारशी चांगली कामगिरी करता आलेली नाही.

भारत-अ संघाचे गोलंदाज खलिल अहमद,आकाश दिप आणि आवेश खान यांनी प्रत्येकी २ विकेट्स घेतले आहेत. सामन्यादरम्यान असे दिसून आले की भारत-अ संघाचा कर्णधार शुभमन जर्सी क्रमांकावर टेप लावून मैदानावरती उतरला होता. परंतु शुभमनने आपला जर्सी क्रमांक लपवण्याचे कारण आता समोर आले आहे.

शुभमनने आजच्या सामन्यामध्ये आपल्या मित्राची ७७ क्रमांकाची जर्सी परिधान केली होती. परंतु ७७ क्रमांकाची जर्सी परिधान करण्याची परवानगी शुभमनकडे नसल्याने शुभमनला आजच्या डावात जर्सी क्रमांकावर टेप लावून खेळावे लागले.