India vs England 5th Test : भारतीय संघाने इंग्लंडविरुद्धचा चौथा कसोटी सामना पाच गडी राखून जिंकला. टीम इंडियासाठी गोलंदाज आणि फलंदाजांनी अप्रतिम कामगिरी केली. भारतीय संघाकडून ध्रुव जुरेलने दोन्ही डावात दमदार कामगिरी केली. त्याच्या चमकदार कामगिरीसाठी त्याला सामनावीराचा पुरस्कार मिळाला. चौथा कसोटी सामना जिंकून भारतीय संघाने मालिकेत 3-1 अशी आघाडी घेतली आहे.
यामालिकेआधी माजी कर्णधार विराट कोहलीने मालिकतून नाव मागे घेतले होते. त्याच्या जागी भारताचा स्टार खेळाडू रजत पाटीदारला संघात स्थान मिळाले. विशाखापट्टणम कसोटी सामन्यात पदार्पण करणाऱ्या रजत पाटीदारला राजकोट आणि रांचीमध्येही संधी मिळाली, मात्र त्याला 6 डावात एकदाही मोठी खेळता आली नाही. खराब फॉर्ममुळे रजत पाटीदारला भारताच्या कसोटी संघातून वगळले जाणे निश्चित होते. मात्र, रजत पाटीदारला अद्याप बाहेर केले नाही.
कारकिर्दीतील पहिल्या दोन कसोटी सामन्यांमध्ये रजत पाटीदारने ज्या प्रकारचा फॉर्म दाखवला त्यावरून रांचीमध्येच त्याचा पत्ताकट होणार हे स्पष्ट झाले होते. पण केएल राहुल तंदुरुस्त नसल्यामुळे त्याला आणखी एक संधी मिळाली. तिथेही तो फ्लॉप ठरला. आता 7 मार्चपासून धरमशाला येथे खेळल्या जाणाऱ्या शेवटच्या कसोटी सामन्यातूनही त्याचा पत्ता कट होणार नाही. कारण केएल राहुल अद्याप दुखापतीमधून सावरलेला नाही.
बीसीसीआयने त्याच्याबाबतचे शेवटचे अपडेट जारी केले होते, ज्यामध्ये तो 90 टक्के तंदुरुस्त असल्याचे सांगण्यात आले होते. पण आता क्रिकबझच्या रिपोर्टनुसार, केएल राहुल सध्या लंडनमध्ये उपचार घेत आहेत. यामुळेच रजत पाटीदारला 2 मार्चपासून होणाऱ्या रणजी ट्रॉफी सेमीफायनलसाठी मध्य प्रदेश संघाकडून खेळण्यासाठी सोडले जात नाही. केएल फिट नसल्यास त्याला आणखी एक संधी मिळू शकते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
