![India Women Cricket Team](http://media.assettype.com/esakal%2F2024-07%2Fb2f654ca-94ed-40b5-a66e-901266bbe1d4%2FIndia%20Women%20Cricket%20Team%20(14).jpg?w=480&auto=format%2Ccompress&fit=max)
India Women into the Asia Cup Semifinal: महिला आशिया कप स्पर्धेत मंगळवारी भारतीय संघाने नेपाळला पराभूत करत उपांत्य फेरीतील प्रवेश निश्चित केला. डंबुला येथे झालेल्या साखळी फेरीतील सामन्यात भारतीय महिला संघाने नेपाळ महिला संघाचा 82 धावांनी पराभव केला.
या स्पर्धेतील भारताचा हा सलग तिसरा विजय ठरला. त्यामुळे भारताने ग्रुप ए मधील अव्वल स्थान पक्के केले आहे. भारताच्या या विजयाचा पाकिस्तानलाही फायदा झाला असून नेपाळ पराभूत झाल्याने आता पाकिस्ताननेही उपांत्य फेरीतील स्थान पक्के केले आहे.
पाकिस्तानने ३ पैकी २ सामने जिंकलेत, तर भारताविरुद्ध पराभव स्विकारला आहे. त्यामुळे ग्रुप ए मध्ये पाकिस्तान दुसऱ्या क्रमांकावर आहे.
मंगळवारी झालेल्या सामन्यात भारताने नेपाळसमोर १७९ धावांचे लक्ष्य ठेवले होते. या लक्ष्याचा पाठलाग करताना नेपाळला २० षटकात ९ बाद ९६ धावाच करता आल्या.
नेपाळनेला सुरुवातीलाच अरुंधती रेड्डी, रेणुका सिंग आणि राधा यादव यांनी धक्के दिले. त्यानंतरही त्यांनी नियमित अंतराने विकेट्स गमावल्या. दिप्ती शर्माने मधली फळी उद्ध्वस्त केली. नेपाळकडून सिता राणा मगरने सर्वाधिक १८ धावा केल्या.
याशिवाय कर्णधार इंदू बार्माने १४, रुबिया छेत्रीने १५ धावा केल्या, तर बिंदू रावल १७ धावांवर नाबाद राहिली. या चौघींव्यतिरिक्त कोणालाही दोन आकडी धावा करता आल्या नाहीत.
भारताकडून दिप्ती शर्माने सर्वाधिक ३ विकेट्स घेतल्या, तर अरुंधती रेड्डी आणि राधा यादव यांनी प्रत्येकी २ विकेट्स घेतल्या. रेणुका सिंगने १ विकेट घेतली.
तत्पुर्वी भारताने प्रथम फलंदाजी २० षटकात ३ बाद १७८ धावा केल्या. भारताकडून शफाली वर्माने ४८ चेंडूत १२ चौकार आणि १ षटकारांसह ८१ धावांची खेळी केली. तसेच दयालन हेमलताने ४२ चेंडूत ५ चौकार आणि १ षटकारासह ४७ धावा केल्या.
याशिवाय जेमिमाह रोड्रिग्सने १५ चेंडूत २८ धावांची नाबाद खेळी केली, तर एस सजनाने १० धावा केल्या आणि ऋचा घोषने नाबाद ६ धावा केल्या.
नेपाळकडून गोलंदाजी करताना सिता राणा मगरने २ विकेट्स घेतल्या, तर कबिता जोशीने १ विकेट घेतली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.