Women's T20 World Cup 2024, India vs New Zealand: गुरुवारपासून (३ ऑक्टोबर) संयुक्त अरब अमिराती (UAE) येथे महिला टी२० वर्ल्ड कपला स्पर्धेला सुरूवात झाली आहे. या स्पर्धेत भारतीय महिला संघाची मोहिम शुक्रवारपासून (४ ऑक्टोबर) सुरू होत आहे.
भारताचा पहिला सामना दुबईत न्यूझीलंड संघाविरुद्ध होत आहे. या सामन्यात न्यूझीलंडची कर्णधार सोफी डिवाईनने नाणेफेक जिंकली असून प्रथम फलंदाजी करण्याचा निर्णय घेतला आहे. त्यामुळे भारताला प्रथम गोलंदाजी करावी लागणार आहे.
भारतीय महिला संघाकडूनही यंदा मोठ्या अपेक्षा आहेत. यापूर्वी भारताच्या पुरुष संघाने जूनमध्ये टी२० वर्ल्ड कप जिंकला आहे. त्यांच्या यशाची पुनरावृत्ती भारतीय महिला संघ करणार का, याकडे सर्वांचे लक्ष लागलेले आहे.
भारतीय संघाचे नेतृत्व हरमनप्रीत कौर करत आहे. तिच्या नेतृत्वाखाली खेळणारा भारतीय संघ अनुभवी आहे. भारताकडे स्मृती मानधना, जेमिमा रोड्रिग्स, शफली वर्मा, दिप्ती शर्मा असे काही अनुभवी खेळाडू आहेत.
भारताने गेल्यावर्षी झालेल्या महिला टी२० वर्ल्ड कपमध्ये उपांत्य फेरीत धडक मारली. होती. २०२० मध्ये भारतीय संघ अंतिम सामन्यात पोहचला आहे. यंदाही भारतीय संघ विजेतेपद मिळवण्यासाठी प्रबळ दावेदार आहे.
तसेच न्यूझीलंडलाही यंदा विजेतेपदाची अपेक्षा असेल. त्यांनी यापूर्वी २००९ आणि २०१० साली अंतिम सामने खेळले आहेत, पण त्यांना विजेतेपद मिळवता आले नाही. तसेच २०१६ साली उपांत्य फेरीत सामना खेळला आहे.
भारत आणि न्यूझीलंड महिला संघ यापूर्वी १३ वेळा आमने-सामने आले आहेत. त्यातील ४ वेळा भारताने विजय मिळवला आहे, तर ९ वेळा न्यूझीलंडने विजय मिळवला आहे.
भारत - शफाली वर्मा, स्मृती मानधना, हरमनप्रीत कौर (कर्मधार), जेमिमाह रॉड्रिग्स, ऋचा घोष (यष्टीरक्षक), दीप्ती शर्मा, अरुंधती रेड्डी, पूजा वस्त्राकर, श्रेयंका पाटील, आशा शोभना, रेणुका ठाकूर सिंग.
न्यूझीलंड - सुझी बेट्स, जॉर्जिया प्लिमर, अमेलिया केर, सोफी डिवाईन (कर्मदार), ब्रूक हॅलिडे, मॅडी ग्रीन, इसाबेला गॅझे (यष्टीरक्षक), जेस केर, रोझमेरी मायर, ली ताहुहू, ईडन कार्सन
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.