सबस्क्राईब करा
India vs New Zealand Test: शनिवारी (२६ ऑक्टोबर) भारतीय क्रिकेट संघाला न्यूझीलंड विरुद्ध दुसऱ्या कसोटी सामन्यात ११३ धावांनी पराभवाचा सामना करावा लागला. पुण्यात झालेल्या या सामन्यात न्यूझीलंडने विजय मिळण्याबरोबरच मालिकेतही २-० अशी आघाडी घेत विजय निश्चित केला आहे.
दरम्यान, ही मालिका वर्ल्ड टेस्ट चॅम्पियनशीप २०२३-२५ स्पर्धेचाही (WTC 2023-25) भाग आहे, त्यामुळे या सामन्याच्या निकालाचा परिणाम स्पर्धेच्या पाँइंट्स टेबलवरही झाला आहे.
सध्या भारतीय संघ सलग दुसऱ्या पराभवानंतरही अव्वल क्रमांकावर कायम आहे. मात्र आता भारताच्या आणि दुसऱ्या क्रमांकावर असलेल्या ऑस्ट्रेलियाच्या विजयी टक्केवारीमध्ये अवघ्या काही पाँइंट्सचा फरक राहिला आहे. त्यामुळे भारताचा आता हा अव्वल क्रमांकही धोक्यात आला आहे.
