ICC World Test Championship standings - दक्षिण आफ्रिकेने मिरपूर कसोटीत ७ विकेट्सने विजय मिळवताना मालिकेत १-० अशी आघाडी घेतली. बांगलादेशविरुद्धचा हा विजय हा त्यांचा आशिया खंडातील १० वर्षानंतर मिळवलेला पहिला कसोटी विजय ठरला आहे. बांगलादेशने विजयासाठी ठेवलेले १०६ धावांचे लक्ष्य दक्षिण आफ्रिकेने २२ षटकांत ३ बाद १०६ धावा करून विजय पक्का केला. या विजयासह आफ्रिकेने जागतिक कसोटी अजिंक्यपद स्पर्धेत मोठी झेप घेतली आहे आणि फायनलच्या शर्यतीत त्यांनी एन्ट्री घेतली आहे.