KL Rahul and Yashasvi Jaiswal Partnership: पर्थ कसोटीचा दुसरा दिवस भारताचा युवा सलामीवीर यशस्वी जैस्वालने गाजवला आहे. शुक्रवारपासून ऑस्ट्रेलिया आणि भारत यांच्यात पर्थमधील ऑप्टस स्टेडियमवर कसोटी मालिकेतील पहिला सामना सुरू आहे. या सामन्यात पहिल्या दिवशी दोन्ही संघातील गोलंदाजांचे वर्चस्व पाहायला मिळाले.
मात्र दुसऱ्या दिवशी पहिल्याच सत्रात ऑस्ट्रेलियाचा पहिला डाव १०४ धावांवर संपुष्टात आल्यानंतर मात्र दोन्ही सत्र यशस्वी जैस्वाल आणि केएल राहुल यांनी गाजवली.
या दोघांनी दुसऱ्या दिवस अखेर पर्यंत विकेट न गमावता भारताच्या दुसऱ्या डावात तब्बल १७२ धावांची नाबाद भागीदारी केली. त्यामुळे ही भागीदारीही विक्रमी ठरली आहे. याशिवाय जैस्वालनेही षटकारांच्या बाबतीत मोठा विश्वविक्रम केला आहे.
